一位太太拎藥～
我:啲藥都係每日四次，每次食一粒嘅，食啲嘢先好食藥啊～～
太太:揀一粒食呀？
我:每一包拎一粒出嚟食啊～
太太:哦！逐包都要食一粒！
我:係呀～有冇唔明白嘅地方？
太太:冇啦冇啦，好易啫，逐包拎一粒呀嘛！
我:係啊～
太太:好啦好啦！唔該你呀妹～
相隔一個鐘，太太打電話到診所:喂？我係頭先嗰個乜乜乜呀～
我:係，有乜事啊？
太太:啲藥要唔要翻渣㗎？
我以為我聽錯:吓？唔好意思，我聽唔清呀？你可唔可以講多次？
太太:翻渣呀，要唔要呀？
我呆咗，how to 翻？屙篤茄出嚟四碗水煲埋一碗水，之後大嗌飲勝乾咗佢？
我:呀……西藥嚟㗎喎，冇翻渣呢回事㗎，吞咗就得㗎啦…
佢:哎呀！我打錯咗去西醫呀？哈哈哈哈哈哈哈哈哈哈！冇嘢啦，拜拜！
我:太太太太太太！唔好收線住呀～～太太)))))
佢:哦？
我:你有冇中西藥一齊食呀？
佢:有呀
我:你有冇同醫師講呀？
佢:冇喎，一向都咁食㗎啦～
我:或者隔返三個鐘先食另一種藥呀～
佢:得啦得啦，收線啦拜拜！
嚇得我，以為佢真係要食屎…
Search